Media britanike The Times ka publikuar një e-mail privat i cili i është drejtuar mjekëve të një spitali në Riad. Nga këtu zbulohet se familja mbretërore saudite është tronditur nga përhapja e pandemisë së koronavirusit brenda saj.
Sipas burimeve, rreth 150 pjesëtarë të familjes janë tashmë të sëmurë me COVID-19, duke detyruar një spital elitar si ai King Faisal në kryeqytet të përgatisë rreth 500 krevate për të pritur ato dhe të tjerë në javët në vijim. Familjes i përkasin rreth 15 mijë persona.
Ndërkohë, sipas New York Times, nga të konfirmuarit të sëmurë është guvernatori i Riadit, Faisal bin Badar al Saud, që sipas gazetës amerikane ndodhet në terapi intensive.
Mbreti 84-vjeçar Salman është transferuar në një pallat të izoluar në Jedda, kurse princi trashëgimtar Mohammed Bin Salman ndodhet në një vend sekret në Detin e Kuq.
Autoritetet mjekësore saudite mendojnë se vendi me 30 milionë banorë mund të përjetojë një valë infektimi që do të çojë të sëmurët deri në 200 mijë.
Për këtë arsyeje, qytetet kryesore janë në karantinë të rreptë, ashtu si dhe qytetet e shenjta si Meka dhe Medina.
