Higjiena orale kërkon përkujdesje maksimale. Përveç që mund të vijnë shumë sëmundje nga prishja e dhëmbëve, tek ata mund të paraqitet edhe një problem tjetër. Bëhet fjalë për zverdhjen e dhëmbëve.
Shkaktarët e kësaj janë të ndryshëm, duke filluar nga gjenetika, që nënkupton se paraardhësit kanë dhëmbë të verdhë.
Duhani, përveç efekteve të tjera negative në shëndet, sjell telashe edhe në higjienën orale. Konsumimi i cigares sjell zverdhjen e dhëmbëve që mund të përkeqësohet deri tek marrja e ngjyrës kafe.
Ushqimet e ndryshme dhe mos pastrimi i dhëmbëve pas konsumimit të këtyre ushqimeve, është faktor tjetër i humbjes së bardhësisë nga buzëqeshja.
Por dhëmbët mund edhe t’i zbardhoni. Përveç zbardhimit që mund të bëhet tek dentisti, ky efekt mund të arrihet edhe përmes sodës së bukës apo edhe uthullës së mollës. Frutat dhe perimet janë gjithashtu ndikues në zbardhim të dhëmbëve.
