Vera, nëna e këngëtares me famë botërore, Rita Ora, është një nga qindra mijëra punonjësit e shëndetësisë, që përballen në vijë të parë me Coronavirusin.
Me profesion psikiatre, Vera po ndihmon të prekurit nga pandemia, të cilët kanë probleme në shëndetin mendor.
Përmes Instagramit, ajo ka kërkuar nga të gjithë të ruajnë qetësinë dhe t’i duan familjet.
Ndërkohë Rita ka thënë se ndjehet shumë krenare për angazhimin e nënës së saj në këtë periudhë kritike me të cilën po përballet bota.
Ajo e ka quajtur nënën e saj dhe të gjithë punëtorët e shëndetësisë, super heronj.
Për angazhimin e Verës në këtë periudhë, kanë shkruar edhe mediet ndërkombëtare.
