Këtë pije aromatike sot më me ëndje e konsumojnë femrat. Megjithatë shumë pak është e njohur që likeri është i bërë për meshkuj, edhe atë jo për çfardo mashkulli, por për mbretin e Francës Lui XIV, i cili mbeti i njohur për mënyrën e çregullt të jetesës. Madam De Mentenon, njëra prej të përzgjedhurave të mbretit, kombinonte frutat, bimët dhe në këtë mënyrë i bënte pijet alkoolike të ëmbla. Është e dukshme që kanë qenë shumë të shijshme, pasiqë shumë shpejt janë bërë të popullarizuara. Ndërsa për ju kemi përzgjedhur 5 reçeta fantastike.
Liker mente
Ju nevojitet
500 ml ujë, 180 ml raki të shtëpisë, 150 g sheqer me ngjyrë kafe, 3 qese sheqer vanilje, 2 qese çaj mente, një lugë aromë menteje.
PËRGATITJA
Në një enë hidhni ujë, raki, sheqer me ngjyrë kafe dhe sheqer vanilje dhe ziejini në temperaturë të ulët. Kur të vlojë, ziejini edhe 5 minuta. Vendosini qeset e çajit, mbylleni enën dhe lereni të ftohet. Më pas largojini qeset dhe shtoni aromën, përzijeni mirë, qiteni në shishe dhe lereni të qëndrojë në të ftohtë dhe vend të errët deri të nesërmen. Mund ta servoni me copëza të kivit.
Kafetino
Ju nevojitet
150 g kafe, 150 ml ujë, 300 g sheqer, 600 ml ujë të vluar, 150 ml raki, një lugë cimet
Përgatitja
Sheqerin përzijeni me 150 ml ujë dhe vlojeni për disa minuta. Kafen përzijeni me ujë të vluar, dhe kullojeni në një gazë. Kafen e kulluar, rakinë, cimetin dhe shurupin e sheqerit ziejini edhe rreth 2-3 minuta që rakia pak të neutralizohet. Hiqeni nga shporeti dhe lereni të ftohet dhe servojeni.
Liker Ajer
Ju nevojitet
8 të kuq të vesë, 400 g sheqer, 400 ml ajkë (shmand) të ëmbël, 500 ml raki rrushi, 2 lugë sheqer vanilje, pak uthull
Përgatitja
Tundini të kuqet e vesë me pak uthull, shtoni sheqerin e vaniljes dhe shmandin e ëmbël dhe të gjitha bashkë përzijini. Masën vendoseni në frigorifer për disa orë, më pas hiqeni shkumën dhe qiteni në shishe. Këtë liker mund ta përdorni në afat prej 2 javësh.
Oranzhino
Ju nevojitet
1 l alkool, 9 citronë, rreth 400 g sheqer, 1,5 l ujë
Përgatitja
Coptojeni lëvoren e citronit në copa të shkurta dhe të ngushta që më lehtë të shtrydhni vajin aromatik. Lëvoren e shtrydhur të citronit vendoseni në një kavanoz, hidhini sipër alkool dhe mbylleni mirë. Kavanozin mbajeni në vend të ftohtë dhe të errët për 15 ditë dhe përziejeni lehtë herë pas herë masën. Nga uji dhe sheqeri bëjeni një shurup me citron dhe alkool. Përzijini mirë, kullojini dhe hidhini në një shishe. Shtrydhini lëvoret që ju kanë mbetur. Shishet mbyllini dhe vendosini të rrijnë tre muaj, por më mirë është nëse i leni edhe më gjatë.
Liker i vaniljes
Ju nevojitet
50 g sheqer, 3 qese të sheqerit të vaniljes, 650 ml ujë, 300 ml alkool, 30 g sheqer të verdhë
Përgatitja
Sheqerin kristal, qeset e sheqeri të vaniljes dhe ujin vendosini të zihen. Kur vlon, qiteni në një shishe të xhamit dhe shtojani alkoolin dhe sheqerin ngjyrë kafeje, dhe së bashku përzijini. Shishen lereni të qëndrojë në vend të ftohtë deri në një javë, por kohë pas kohe përzijeni. Likerin kullojeni përmes një gaze dhe qiteni në një shishe për liker.
