Flokët e thinjura janë tipike për njerëz më të moshuar, por kjo nuk do të thotë që tinjat të mos paraqiten edhe në rini.
Shumë vajza vendosin t’i ngjyrosin në mënyrë që të mos iu shihen flokët e thinjura, por ka disa metoda natyrale që do iu ndihmojnë t’i parandaloni thinjat.
Që të parandaloni flokët e thinjura duhet që të keni dietë të mirë-balancuar.
Të konsumoni ushqime të pasura me vitamina – në mënyrë që të parandaloni thinjat duhet që të konsumoni mjaftueshëm vitaminë B dhe E në bazë ditore.
Shmangni ushqimet e shpejta – flokët mund të thinjen shumë shpejtë për shkak të ushqimit të shpejtë. vend të këtyer ushqimeve kujdesuni që të hani ushqime të pasura me hekur, kalcium e vitamina.
Ushqimet që duhet konsumuar janë:
Salmoni
Salmoni ka një dozë të lartë të vitaminës D, që është drejtpërdrejtë i lidhur me pigmentin e flokëve. Mungesa e vitaminës D, rezulton me flokë të thinjura. Ekspertët rekomandojnë që të konsumohet së paku njëherë në javë salmoni, që përveç të mirave të tjera, ndikon edhe në parandalimin e të thinjurave në flokë.
Vezët
Edhe pse e bardha e vezë i ka proteinat, për flokët e thinjura ju duhet ta konsumoni të gjithë vezën – përfshirë të verdhën. Kjo pasi vezët përbëjnë vitaminë B-12. Një studim i vitit 2016, bëri të ditur që flokët e thinjura janë rezultat i mungesës së Vitaminës B-12.
Çokollata e zezë
Çokollata e zezë është një burim shumë i mirë i hekurit që ndikon në plakje të ngadalshme dhe tek thinjat e flokëve. Sipas një studimi të kryer nga Annals of Dermatlogy, niveli i ulët i hekurit në gjak ka lidhje me thinjat në flokë.
