Pavarësisht se si janë ëndrrat dhe planet tuaja: stiliste, modele, content creator, vlogger, kritike mode etj, ka disa këshilla që duhet t’i mbani shënim nëse jeni në fillimet tuaja, shkruan Talco.

1 – Fillojeni në një butik

A ka më “thjesht” se kaq? Nëse s’po gjeni asnjë mundësi tjetër, bëhuni asistentja e shitjeve në një butik, menaxhuesja e rrjeteve sociale të një butiku apo edhe “pronarja” e një butiku të vogël online. Mendojeni këtë si “ABC-në” e një shkolle shumë të gjatë që ju pret përpara!

2 – Rrjetet sociale

Bëhuni ekspert të rrjeteve sociale dhe rrisni prezencën online. Bota virtuale është thelbësore për modën në ditët e sotme. Mund të influenconi, influencoheni e frymëzoheni prej aty, prandaj merreni seriozisht.

3 – Jo vetëm modë

Fitoni edhe aftësi të tjera gjatë rrugëtimit tuaj si për shembull: Fotografia, editimi i fotove/videove, piktura etj.

4 – Mësoni në mënyrë të vazhdueshme

Lexoni materiale të reja gjithmonë. Moda evoluon vazhdimisht dhe bashkë me të, do të evoluoni edhe ju, citon Anabel.

5 – Rrjet njohjesh

Përpiquni të lidheni me njerëzit e duhur në kohën e duhur. Ruani kontakte me njerëz që ndoshta do të të shërbejnë në të ardhmen e afërt.