Për dallim nga botoksi, frotox nuk përmban toksina dhe bakterie, por vetëm përdoret azoti i lëngshëm. Me atë, nervat dhe muskujt shokohen me ftohje dhe pastaj bllokohen për disa muaj, kurse si rezultat, keni më pak rrudha që shihen.
Iovera apo frotoks është gjenerata e re e tretmaneve antiage, i cili nuk përmban toksina, dhe vetëm ka përdorues nga bota e të famshmëve, mes të cilëve është edhe Nicole Kidman, Simon Coëell dhe Sharon Osbourne, shkruan Daily Mail.
Ekspertët tregojnë se si ai është më pak i dëmshëm, kurse më efikas se botoksi, kurse është krijuar në Kanada, në bazë të teknologjisë medicinale të quajtur myoscience. Për momentin trajton rrudhat horizontale dhe vertikale me injektimin e dy „plumbave“ të ftohtë në fillim dhe në fund të rrudhës. Ky veprim zgjat 15 minuta dhe përfshin vendosjen e pajisjes së mbushur me azot të lëngshëm në afërsi të nervave të cilat kontrollojnë muskujt përgjegjës për paraqitjen e rrudhave.
Shoku i ftohtë intensiv i detyron ato nerva që të „vdesin“ për disa muaj, dhe rezultati është më pak rrudha të dukshme. Duke u nisur nga fakti që tashmë është e mundur që në mënyrë precize të qëllohen rrudhat, pas tretmanit nuk mbetet më ajo dukja e fytyrës si e habitur, siç ka qenë rast me botoksin. Ky tretman bëhet në klinikat prestigjioze europiane për zbukurim, kurse për shkak të rritjes së kërkesës, pritet shtrirja e tij në të gjithë botën. Çmimi për një trajtim kushton rreth 350 euro.
– Azoti në formë natyrale gjendet në trup, prandaj trajtimi nuk është aq invaziv sikur botoksimi. Gjithashtu, ky është një trajtim i shkëlqyeshëm kundër rrudhave për të gjithë ata që i frikësohen gjilpërave, thotë dr. Raina Zarb Adami nga klinika britanike Aesthetic Virtue, e cila u ofron këtë shërbim klientëve. /kosovarja.ch/
