Kush ka fjetur me tetë partnerë, në mënyrë indirekte ka qenë në kontakt seksual me ta 2.8 milionë njrëz, duke u bazuar në të dhënat mesatare, mbi numrin e partnerëve dhe moshës së tyre.
E çuditshme, apo jo?
Kompania farmaceutike „Lloydspharmacy“ e ka shpikur një makinë llogaritëse pak të frikshme që ju lejon të llogaritni me sa njerëz keni patur kontakt seksual, dhe për të paralajmëruar përhapjen e sëmundjeve seksuale të transmetueshme, sipas „Daily Mail“.
Për shembull, kalkulatori tregon që gruaja tridhjetë-vjeçare që ishte me shtatë partnerë, përmes të tyre ka ardhur në kontakt seksual indirekt me më shumë se 2 milionë njerëz.
Në llogaritëse (kalkulator) futet mosha e përdoruesit, gjinia dhe numri i partnerëve seksualë. Pastaj kërkohen informata mbi moshën e atyre partnerëve, dhe rezultati i përgjithshëm është marrë në bazë të statistikave mbi mesataren e numrit të partnerëve seksual që lidhen me seksin dhe moshën, si dhe ish-partnerëve të partnerit tuaj dhe kontakteve indirekte seksuale të tyre.
Pastaj procesi i llogaritjes përsëritet për pesë „gjenerata“ të ardhshme të partnerëve dhe të shoqëruara me të dhënat e mëparshme, sjell numrin e përgjithshëm të „shkallës së ndarjes seksuale“, ashtu si e kanë quajtur shkencëtarët. Shkalla seksuale e ndarjes, mbështetet në teorinë e „gjashtë niveleve të ndarjes“, sipas të cilit çdo dy njerëz në botë i lidh një zinxhir deri në gjashtë persona.
